اقـــول ان جرحهــا يبـــرى وعمـــر الجرح مايــبرى

حبيبي طـول اغيابـك عليـه
وانا من رحت كل حلمٍ شكاني

تعبت المحك مـن مينـا لمينـا
زمن عدى وانـا بيـن الموانـي

شف عيوني من الفرقى حيارى
تباكى من عزى موت الامانـي

بكتك الورده الحمرا وعطـرك
وتباكـاك الشـوارع والمبانـي

عجزت انطق من الضيقه ودمعي
وش الي من غيابـك مابكانـي

تموت افراح بسماتـي بدونـك
واعيش بحيرتي واكـره زمانـي

قسـم بالله محتـاج لحنانـك
رحلت وكـل مافينـي يعانـي

دخيلك خاف ربك في غيابـك
تعال ولم لـم اطرافـي عشانـي

واذا تقدر تغيب سنيـن عنـي
انا مااقدر على الفرقـى ثوانـي
انا رجـلٍ تغنـا باالشقـا ياحيـرة اوهامـي
عجزت اصبر على ريح الهبوب ولاقدرت اذرى

تشرًهنـي مقاسيـم اغترابـي حـزن متنامـي
وتعبت استنجد انفاس الضلوع وضحكة البشرى

انا من كثر ماامسح دمعتـي عافتنـي اكمامـي
غريب من الضما تايه واحس ان عالمي صحـرى

انا ليه اكتبه بـااوراق عمـري حلـم ليامـي
وانا عمري كتابٍ ماقدر فيـه الزمـن ياقـرى

على الله ياوفاي وغيرتـي والشـوق واهيامـي
على الله ربـي العالـم ولا غيـر العليـم ادرى

على الله كل حلمٍ بي تعـزوى ومـات قدامـي
على الله يامواعيـد اللقـا واليـل والمسـرى

على الله يامقادير الـوداع وحلمـي الضامـي
على الله ياالعيون الي بكت من طاري الذكـرى

على الله ياغرابيل الزمـان وجرحـي الدامـي
على الله يا تقاسيـمٍ تغنـا والسبـب عـذرى

على الله ياالفراق الي قهرنـي وانكـر احلامـي
اقول ان جرحها يبرى وعمر الجـرح مايبـرى