.^.^. تحلا له اللعبه وضحكه يحليه = وبالخد غمازة تجمل خدوده .^.^.

بسم الله الرحمن الرحيم

السلام عليكم ورحمة الله وبركاته



ياعين قلبي يشكي الويل عِينِيه ــــــــــــــ
ــــــــــــــ من كود لاهب يحرق الزرع كوده


ياعين هلّي دمعك الـيوم هلّـيه ــــــــــــــ
ــــــــــــــ كـوده يـطّفي لاهب النار كوده

اسـقي عليل القلب من ثـمّ عِلّيه ــــــــــــــ
ــــــــــــــ وابل بـرد ينعش قليـبي بروده

ظلّي طـوال الليل وان شَبْعِ ظِلّيه ــــــــــــــ
ــــــــــــــ إلـيا يـجود الزرع يثبت وجوده

ياعين شلّي صـاحبي فـوق شلّيه ــــــــــــــ
ــــــــــــــ سـود الليالي زادت الحالِ سوده

ياعين خِـلّي والتعب مـا يـِخلّيه ــــــــــــــ
ــــــــــــــ عاد المرض وصويحبي توِّ عُوده

غـرّن وصابه سَهْم حسّادِ مِغريه ــــــــــــــ
ــــــــــــــ زُود الـحلاوة والـنّقاوة تـزوده

حسبي على عـين ٍ حسوده تعنّيه ــــــــــــــ
ــــــــــــــ يـرقد ولا هـو يهتني في رقوده

يـدّي تـشيله لا مـن اشّر بِيَدّيه ــــــــــــــ
ــــــــــــــ شلني مجيد مـن التعب ياوجوده

أرفـعْهِ فُـوق الراس ثمّ ارتفع فيه ــــــــــــــ
ــــــــــــــ تـدوي رعودي ثمّ تـدوي رعوده

تــحلا لـه اللّعبه وضحكه يحلّيه ــــــــــــــ
ــــــــــــــ و بالخدِّ غـمَّازه تـجمِّل خـدوده

يـسلى بـلعب و خـافقي ما يسلّيه ــــــــــــــ
ــــــــــــــ ما غير جـود الله إلى مَنْ بـجوده

يالـشافي الـكافي رجيتك تـشافيه ــــــــــــــ
ــــــــــــــ اتـعود عـافيتة .. ولا شَرْ يـعوده

عـزّي لـمن هو مِثْل حَالَتْهِ عزّيه ــــــــــــــ
ــــــــــــــ لاصـدّ حـظّـه ثـمّ أَعلن صدوده

وا ويل قلبي يـا فهد ويـل ويليه ــــــــــــــ
ــــــــــــــ ويـل الفؤاد اللي عَجَز طبْ يفوده


وسلامتكم