مو ذنبي اني أعمىآ!!!!

السلام عليكم ورحمة الله وبركاته ..

مسائكم/صباحكم .. كما يطيب لقلوبكم..



( (مو ذنبي اني اعمى) )




ياهمومي ارحميني طالـــبك بالله توبـــــــــــه
ارفقي بإنسان أعمى في حياته مايـــــشوف


اخذلوه اعيال صلبه بآخرالدنيا رمـــــــوا به
انــــكروا إنه ابوهم ياحسافات الحـــــسوف


من يسوي هالفعايل؟؟ يابشر هذي عـــجوبه
لو درت الشمس عنهم ما يفارقهــا الكسوف


له ثمان سنين وحده دارس ايام الكـــــــروبه
عاشهامسكين والله وسط رعبٍ بين خوف


ليه طيب هالخيانه؟؟ جاوبوا يااهل الــعروبه
ماغلطت بحق شخصٍ دايما قلبي عــطوف


يمكن إني شخص اعمى مابصر يوم بدروبه
لكن هذا ياعيالي مو سبب يـــــــــقنع ألوف


من كثر ماهلّ دمعي اختـــــلف ملـحه عذوبه
وش اسوي ياعيالي لاغديتوا لي ســـــيوف


اكبر عيالي تزوج والصغير اعــــلن خطـوبه
وأنا ماكني أبوهم ولاصرت من الــــضيوف


خوفي لاحانت وفاتي ينعتوني (وسخ) ثوبــــــه
ليتهم بس يحملوني فوق هامات الكـــتوف


اعذريهم ياصلاتي هذي ايام الـــــــــــــعقوبه
وقت صلاتي ياجماعه يسمعون طبل الدفوف


ليتهم يدعون الله وينطقون: إغفر ذنوبـــــــــه
ارحـــم الوالد يالله ياعــــــــــــــليم و يارؤوف


ياهمومي ارحميني طالبــــــــــــــك بالله توبه
مطلبي سجده ببــــيته وأمنياتي لو أطــــــوف


وسلامتكم...





مما راق لي ]...

نقلتها لكم علها تحوز على رضاكم..