من كثر ماشفت بحياتي مـن أنـذال .. بديـت أشـك إن النذالـه فضيلـه ..!!

السلام عليكم ورحمة الله وبركاته


آهلاً بكم .. هذه قصيدة للشاعر : خلف المشعان العنزي

عجبتني .. وحبيت آنقلها لكم

.
.

إن كنت تنشد يارفيقي عن الحـال
مالي علـى كتمانهـا عنـك حيلـه

الصبر عن بوح الأحاسيـس قتـال
والبوح في بعض المواقـف فشيلـه

لو كل مايطري علـى البـال ينقـال
ما كـان شفـت إن الثقيلـه ثقيلـه

أبطيت أكافح ضيقـة البـال بالبـال
وأدفـع بـلا هاجوسهـا كـل ليلـه

لين أقبلـة مثـل السحابـه بهمـال
تشفي غليـل اللـي تزايـد غليلـه

طاحت ولا أوفق من حناياك منـزال
وأبطلبـك يابـدر تكمـى المخيلـه

إن قيل ترعد قل لهم صوت زلـزال
وإن قيل تبرق شف لها أدناة حيلـه

مابي تناقلهـا هـل القيـل والقـال
وتصير من بعـد القصيـره طويلـه

يابدر ماني عـال لوصحتـي عـال
شفني من الصدمات نفسـي عليلـه

أشيـل حمـل لـو يشيلنـه جبـال
الله والله غيـر تصبـح نثيلـه

أرمي من هموم الزمن وأسحب أدبال
وأنزل عن الجوكر وغيري يشيلـه

من كثر ماشفت بحياتي مـن أنـذال
بديـت أشـك إن النذالـه فضيلـه

ماطاح من عيني رجل طاحوا رجـال
ورجال يابـن حنيـف ماهـي قليلـه

أقرب من اللي قالهم ضمـن ماقـال
ركـان بـن حثليـن راع الجزيلـه

(هذا ولـد عـم وهـذا ولـد خـال
وهـذا رفيـق مالقيـنـا بديـلـه )

سبحان منهو يابـدر غيـر الحـال
وحط الجفى بيـن الخليـل وخليلـه

هـذا الزمـن يبغالـه لسـان دلال
من يستحي هالوقـت واعزتـي لـه

وقت به الراعي غدى راعـي دلال
كل علـى طاريـه ينفـض شليلـه

ومن كان ساسه للردى مضرب أمثال
اليوم يحسـب مـن كبـار القبيلـه

المال يابن حنيف ملعون ابو المال
ذل العزيـز وعز نـاس ٍ ذلـيله

.
.


آختكم في الله